مادّہ و ج ب

(ض) وَجَبَ يَجِبُ وُجُوْبًا: ثابت اور لازم ہونا، واجب ہونا (اس معنی میں قرآن میں استعمال نہیں ہوا) (اردو میں «واجب، وجوب» اسی معنی میں)؛ وَجْبًا وَوَجْبَةً: کسی چیز کا (دھپ سے) زمین پر گر پڑنا؛ سورج کا ڈوب جانا۔ قرآن میں صرف ایک بار، اور وہ قربانی کے اونٹوں کے بیان میں: ﴿فَاِذَا وَجَبَتْ جُنُوْبُهَا فَكُلُوْا مِنْهَا﴾ (الحج ۲۲:۳۶) — یعنی جب وہ (ذبح کے بعد) پہلو کے بل گر پڑیں۔

(افعال) اَوْجَبَ يُوْجِبُ اِيْجَابًا: واجب کرنا، لازم ٹھہرانا (اردو میں «ایجاب»: پیشکش، جیسے «ایجاب و قبول»؛ «موجب»: سبب، باعث؛ عربی میں: واجب کرنا، لازم ٹھہرانا)۔ (یہ فعل قرآن میں استعمال نہیں ہوا)۔

اردو میں اس مادے سے: موجب۔