(ض) وَفَقَ يَفِقُ وَفْقًا (اصلی: وَفَقَ يَوْفِقُ): موافق اور مناسب ہونا۔ (یہ فعل قرآن میں استعمال نہیں ہوا)۔
وِفَاقٌ (مصدر): مطابقت، جوڑ (اردو میں «وفاق»: اتحاد؛ وفاقی نظامِ حکومت؛ عربی میں: مطابقت، موافقت)؛ «جَزَآءً وِّفَاقًا» = وہ بدلہ جو عمل کے عین مطابق ہو۔ قرآن میں صرف ایک بار: ﴿جَزَآءً وِّفَاقًا﴾ (النبا ۷۸:۲۶)
(تفعیل) وَفَّقَ يُوَفِّقُ تَوْفِيْقًا: اسباب کو (مقصد کے) مطابق کر دینا، توفیق دینا (اردو میں «توفیق» اسی معنی میں)؛ (دو فریقوں میں) موافقت پیدا کرنا۔ ﴿اِنْ يُّرِيْدَآ اِصْلَاحًا يُّوَفِّقِ اللّٰهُ بَيْنَهُمَا﴾ (النساء ۴:۳۵)؛ ﴿وَمَا تَوْفِيْقِيْٓ اِلَّا بِاللّٰهِ﴾ (ھود ۱۱:۸۸)
(مفاعلہ) وَافَقَ يُوَافِقُ مُوَافَقَةً: کسی کے موافق ہونا (اردو میں «موافق، موافقت» اسی معنی میں)۔ (یہ فعل قرآن میں استعمال نہیں ہوا)۔
(افتعال) اِتَّفَقَ يَتَّفِقُ اِتِّفَاقًا (اصلاً اِوْتَفَقَ): باہم متفق ہونا (اردو میں «اتفاق، متفق» اسی معنی میں)۔ (یہ فعل قرآن میں استعمال نہیں ہوا)۔