مادّہ غ ب ن

(ض) غَبَنَ يَغْبِنُ غَبْنًا: سودے میں دھوکا دینا، نقصان پہنچانا (اردو میں «غبن»: خیانت، رقم ہضم کرنا؛ عربی میں: سودے میں دھوکا)۔ (یہ فعل قرآن میں استعمال نہیں ہوا)۔

(تفاعل) تَغَابَنَ يَتَغَابَنُ تَغَابُنًا: ایک دوسرے کا نقصان ظاہر ہونا۔ «يَوْمُ التَّغَابُنِ»: قیامت کا نام — اہلِ تفسیر کہتے ہیں کہ اس دن ہر ایک پر اس کا خسارہ کھل جائے گا: اہلِ جنت کو یہ کہ اور زیادہ کیوں نہ کمایا، اور اہلِ نار کو یہ کہ سب کچھ گنوا دیا۔ قرآن میں صرف ایک بار، اور اسی سے سورت کا نام ہے: ﴿ذٰلِكَ يَوْمُ التَّغَابُنِ﴾ (التغابن ۶۴:۹)۔