مادّہ ا ش ر

(س) أَشِرَ يَأْشَرُ أَشَرًا: نعمت پا کر اترانا اور حد سے بڑھ جانا، شیخی بگھارنا۔ اہلِ لغت اس کا فرق بَطَر سے یہ بتاتے ہیں کہ أَشَر میں سرکشی اور بدمستی کا پہلو نمایاں ہے۔ صفت کے وزن (فَعِل) سے فعل کا باب سمع ہونا معلوم ہوتا ہے۔

أَشِر (وزن فَعِل، صفتِ مشبہ): اترانے والا۔ قرآن میں دو بار، اور دونوں ایک ہی سیاق میں: ﴿بَلْ هُوَ كَذَّابٌ أَشِرٌ﴾ (القمر ۵۴:۲۵)؛ ﴿مَنِ الْكَذَّابُ الْأَشِرُ﴾ (القمر ۵۴:۲۶) — یعنی وہی الزام جو قومِ ثمود نے لگایا، اگلے ہی دن اُن پر لوٹا دیا گیا۔