مادّہ ا ح د

— أَحَد: ایک (اردو میں «احد» اسی معنی میں)؛ اہلِ لغت کی تصریح ہے کہ اس کی اصل وَحَد ہے (مادہ و ح د)، واو کو ہمزہ سے بدلا گیا۔ قرآن میں یہ مادہ ۸۵ بار آیا ہے: ۷۴ بار أَحَد اور ۱۱ بار إِحْدَي۔

(۱) بطورِ عدد، اور اس صورت میں جمع آحَاد و أُحْدَان آتی ہے۔ اللہ تعالیٰ کے لیے «أَحَد» کا استعمال «وَاحِد» سے بلیغ تر ہے: ﴿قُلْ هُوَ اللّٰهُ أَحَدٌ﴾ (الاخلاص ۱۱۲:۱)

(۲) بطورِ صفتِ عموم، نفی و استفہام و شرط کے سیاق میں بمعنی «کوئی ایک بھی»؛ اس صورت میں ہر شرکت کی نفی کر دیتا ہے۔ ﴿وَلَمْ يَكُنْ لَّهُۥ كُفُوًا أَحَدٌ﴾ (الاخلاص ۱۱۲:۴)

إِحْدَي: أَحَد کا مؤنث۔ ﴿اِنَّهَا لَاِحْدَي الْكُبَرِ﴾ (المدثر ۷۴:۳۵)