د ر جd-r-j
(ن) دَرَجَ يَدْرُجُ دُرُوْجًا: سیڑھیاں چڑھنا، آہستہ آہستہ چلنا۔
دَرَجَةٌ ج دَرَجٰتٌ: سیڑھی کا ایک زینہ، بلندی، رتبہ (اردو میں «درجہ، درجات» اسی معنی میں)۔ ﴿هُمْ دَرَجٰتٌ عِنْدَ اللّٰهِ﴾ (اٰل عمران ۳:۱۶۳)؛ ﴿وَلِلرِّجَالِ عَلَيْهِنَّ دَرَجَةٌ﴾ (البقرۃ ۲:۲۲۸)
انفعال اِنْدَرَجَ يَنْدَرِجُ اِنْدِرَاجًا: کسی چیز کے ضمن میں آ جانا، اس میں شامل ہونا (اردو میں «اندراج، مندرجہ»: لکھ کر درج کرنا، درج شدہ؛ عربی میں: کسی چیز کے اندر شامل ہونا)۔ (یہ فعل قرآن میں استعمال نہیں ہوا)۔
استفعال اِسْتَدْرَجَ يَسْتَدْرِجُ اِسْتِدْرَاجًا: آہستہ آہستہ (درجہ بدرجہ) لے جانا۔ ﴿سَنَسْتَدْرِجُهُمْ مِّنْ حَيْثُ لَا يَعْلَمُوْنَ﴾ (الاعراف ۷:۱۸۲)
اردو میں اس مادے سے: تدریج، مدارج۔